Korporata Energjetike e Kosovës (KEK) ka njoftuar se në përputhje me Bilancin Vjetor Energjetik (BVE), ka filluar zbatimi i remontit të rregullt vjetor 30-ditor të njësisë B2 në Termocentralin Kosova B.
Ky proces, siç thuhet, është pjesë e planifikimit të rregullt operativ dhe ka për qëllim mirëmbajtjen teknike, rritjen e sigurisë në operim dhe garantimin e funksionimit të qëndrueshëm të njësisë.
“Ndërkohë, siç është bërë e ditur edhe më herët, njësia B1 e TC Kosova B i është nënshtruar projekteve madhore të modernizimit, përfshirë ndërtimin e elektrofiltrave dhe sistemit DeNOx, të cilat kanë filluar në muajin prill dhe pritet të përfundojnë në fillim të muajit dhjetor”, thuhet mes tjerash në njoftimin e KEK-ut në https://www.facebook.com/plugins/post.php?href=https%3A%2F%2Fwww.facebook.com%2FKEKINFO%2Fposts%2Fpfbid0g5mBbqKfk8vBUpfjnub4Lo14ceLtQpgvu7NASGtBUgkZbE9GWdBnX5TXGHKVBtn2l&show_text=true&width=500“>Facebook.
Njëherësh është raportuar se paraditen e sotme kanë rënë blloqet B1 dhe B2, ndërkohë që nuk ka pasur njoftim zyrtar nga KEK-u.
