Kompania për Distribuimin e Energjisë Elektrike në Kosovë (KEDS) ka njoftuar se të dielën, më 14 qershor, do të zhvillohen punime në rrjetin elektrik, si pjesë e mirëmbajtjes dhe projekteve investive.
Si rezultat i këtyre punimeve, në disa zona të vendit do të ketë ndërprerje të përkohshme të furnizimit me energji elektrike, në orare të ndryshme gjatë ditës.
Në Prishtinë, ndërprerje e energjisë është planifikuar për shkak të punimeve nga palët e treta, ku për një periudhë të shkurtër do të preken disa rrugë në zonën e Xhemail Ibishit.
Në Prizren, ndërprerja do të zgjasë disa orë dhe përfshin një numër të madh lagjesh, institucionesh dhe bizneseve, si pasojë e punimeve për siguri të sistemit dhe kyçjes së kabllove në kthinën e re.
Në Gjakovë, disa fshatra do të mbesin pa energji për një periudhë të gjatë ditore për shkak të projekteve investive në rrjetin shpërndarës.
Ndërkohë, në Gjilan dhe Kamenicë, ndërprerje të shkurtra dhe të gjera janë parashikuar si rezultat i punimeve të KOSTT-it dhe rehabilitimit të infrastrukturës energjetike.
KEDS ka bërë thirrje për mirëkuptim nga qytetarët, duke theksuar se këto punime janë të domosdoshme për përmirësimin dhe stabilitetin e sistemit energjetik në vend.
Sinjali – aty ku e vërteta flet para lajmit!
