Një i mitur është ndaluar nga policia në Podujevë pasi gjatë kontrollit i është gjetur substancë e dyshuar narkotike.
Ngjarja ka ndodhur më 16 prill rreth orës 16:40 në parkun “Manchester”.
Siç mëson Sinjali, i dyshuari R.I.17 vjeç është ndaluar nga njësia policore, ku gjatë kontrollit i është gjetur një sasi prej 4.55 gramësh marihuanë.
Gjatë intervistimit, në prani të avokatit mbrojtës dhe përfaqësueses së Qendrës për Punë Sociale, i njëjti ka deklaruar se substancën e kishte blerë në Prishtinë për konsum personal.
Lidhur me rastin është njoftuar edhe njësia për hetimin e narkotikëve (DHTN), ndërsa prokurori kujdestar për të mitur ka urdhëruar inicimin e rastit për “Posedim të paautorizuar të narkotikëve”.
Pas procedurave, i mituri është liruar në procedurë të rregullt.
Sinjali – aty ku e vërteta flet para lajmit!
