Ministri izraelit i Mbrojtjes, Israel Katz, ka paralajmëruar se Izraeli do të godasë infrastrukturën energjetike dhe objektiva të tjera civile në Iran, nëse Teherani ndërmerr sulm ndaj vendit të tij.
Deklarata vjen në një kohë kur në Lindjen e Mesme janë rikthyer shqetësimet për një përshkallëzim të ri, pas rindezjes së armiqësive ndërmjet Shteteve të Bashkuara dhe Iranit.
Duke folur para stafit të Ministrisë së Mbrojtjes, Katz tha se një sulm iranian do ta çlironte Izraelin nga çdo kufizim në veprimet e tij kundër Iranit.
Ai paralajmëroi se Izraeli do të synonte paralizimin e infrastrukturës ushtarake, politike dhe energjetike të Iranit, duke përdorur gjuhë të ashpër për pasojat që do të kishte një sulm i mundshëm iranian.
Sinjali – aty ku e vërteta flet para lajmit!
