Peja e ka mposhtur Bashkimin në xhiron e 14-të të Superligës së Kosovës në basketboll me rezultat 63:73.
Pejanët i fituan të dy çerekët në pjesën e parë, ku epërsia shkoi në 17 pikë, pasi çerekun e parë e fituan me rezultat 15:21, kurse të dytin me rezultat 10:21.
Në çerekun e tretë, Bashkimi u kthye furishëm në lojë, duke e shkrirë epërsinë 17-pikëshe të Pejës në vetëm dy pikë, pasi e fitoi 10-minutëshin e tretë me rezultat 25:10, njofton Klankosova.tv.
Por, Pejanët nuk lejuan befasi, pasi në çerekun e fundit e rritën sërish epërsinë në 10 pikë, duke e fituar atë me rezultat 13:21.
Me këtë fitore, ish-kampionët paralajmëruan pranverë të zjarrtë në Superligën e Kosovës në Basketboll.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
