Rebelët Houthi të Jemenit kanë nisur një sulm të ri ndaj Arabisë Saudite, ndërsa koalicioni ushtarak i udhëhequr nga Arabia Saudite ka njoftuar se ka kapur dy dronë dhe dy raketa balistike.
Sipas njoftimit, dy dronët po drejtoheshin drejt Riadit, ndërsa dy raketat balistike kishin për objektiv qytetin jugor të Khamis Mushait.
Sulmet kanë ndodhur në një kohë kur tensionet në rajon vazhdojnë, ndërsa përplasja mes Houthive, të lidhur me Iranin, dhe forcave që mbështesin qeverinë e njohur ndërkombëtarisht të Jemenit vijon të përshkallëzohet.
Zëdhënësi i koalicionit, koloneli saudit Turki al-Malki, ka deklaruar se sistemet e mbrojtjes ajrore kanë zbuluar dhe shkatërruar dy dronë të lëshuar në drejtim të zonës së kryeqytetit.
Njoftimi është bërë përmes platformës X, ku al-Malki iu referua sulmeve si të kryera nga “organizata terroriste Houthi”.
Pak më vonë, al-Malki ka njoftuar se edhe dy raketa balistike të lëshuara drejt Khamis Mushait janë kapur nga sistemet e mbrojtjes ajrore.
Khamis Mushait ndodhet në jugperëndim të Arabisë Saudite dhe aty gjendet një bazë e rëndësishme e forcës ajrore të mbretërisë.
Sinjali – aty ku e vërteta flet para lajmit!
