Votimi i sotëm në Kuvend ka nxjerrë në pah një deklaratë të bërë nga Albulena Haxhiu rreth një vit më parë, kur ajo kishte përjashtuar mundësinë që VV-ja të mbështeste ndonjë deputet të Listës Serbe për nënkryetar të Kuvendit.
Më 10 shtator 2025, gjatë një konference për media, Haxhiu ishte shprehur prerazi se deputetët e Vetëvendosjes nuk do të votonin asnjërin nga kandidatët e Listës Serbe për këtë pozitë.
“Asnjërin nga deputetët e Listës Serbe nuk do ta votojmë”, kishte thënë Haxhiu.
Sot, megjithatë, në Kuvend u votua ndryshe. Tanja Vujoviq, deputete e Listës Serbe, siguroi 62 vota dhe u zgjodh në pozitën e nënkryetares së Kuvendit të Kosovës.
Për këtë pozitë ishin në garë edhe Kujtim Shala i LDK-së dhe Emilja Rexhepi, e cila përfaqëson komunitetet joshumicë.
Votimi i sotëm u shoqërua edhe me zhvillime të tjera politike. PDK-ja e tërhoqi përkohësisht kandidaturën e Vlora Çitakut dhe paralajmëroi se këtë çështje do ta dërgojë për shqyrtim në Gjykatën Kushtetuese.
Edhe Aleanca e drejtuar nga Ardian Gjini ka bërë të ditur se do t’i drejtohet Gjykatës Kushtetuese për ta kontestuar procesin.
Sinjali – aty ku e vërteta flet para lajmit!
