Gjykata e Lartë ka vendosur të kthejë për rigjykim çështjen për masën e sigurisë ndaj ish-presidentit të Republikës së Shqipërisë, Ilir Meta.
Sipas vendimit të sotëm, Gjykata e Lartë ka argumentuar se çështja duhet të shqyrtohet sërish nga Gjykata e Apelit, e cila më herët e kishte refuzuar kërkesën e Metës më 22 korrik të vitit të kaluar.
Apeli kishte vlerësuar se kërkesa ishte e papranueshme, duke argumentuar se nuk ka bazë ligjore për ankimimin e kërkesave për zëvendësim mase.
Ndaj këtij vendimi, Meta kishte bërë rekurs në Gjykatën e Lartë, e cila tashmë i ka dhënë të drejtë për rikthimin e çështjes në rigjykim, duke urdhëruar që ajo të shqyrtohet sërish nga Apeli.
Sinjali – aty ku e vërteta flet para lajmit!
