Një burrë është gjetur pa shenja jete pasditen e sotme në lagjen “Ulpiana” në Prishtinë.
Rastin e ka konfirmuar për Sinjali zëdhënësi i Policisë së Kosovës për rajonin e Prishtinës, Enis Pllana.
Sipas tij, rreth orës 14:30 është pranuar informacioni për një person pa shenja jete, ndërsa ekipi mjekësor në vendin e ngjarjes ka konstatuar vdekjen e viktimës.
Policia ka bërë të ditur se në koordinim me Prokurorin e Shtetit kanë nisur hetimet për të sqaruar rrethanat e rastit dhe për të përcaktuar shkakun e vdekjes.
Për momentin nuk janë bërë të ditura detaje mbi identitetin e viktimës apo rrethanat që çuan deri te ngjarja.
Sinjali – aty ku e vërteta flet para lajmit!
