Në prag të festave të fundvitit, çmimet e produkteve ushqimore janë rritur ndjeshëm në Kosovë, duke shkaktuar shqetësime për qytetarët.
Familjet po shpenzojnë më shumë për tryezën e festave, ndërsa abuzimet e tregtarëve janë evidente, sidomos në tregjet e gjelbëra dhe dyqanet e produkteve ushqimore.
Qytetari Avni Selimi ka thënë për KosovaPress se, “Në bazë të kushteve socio-ekonomike për qytetarët e vendit, këto çmime janë tejet të larta, siç janë në Gjermani”, transmeton Klankosova.tv.
Ndërsa, kryetari i Shoqatës së Konsumatorit, Selatin Kaçaniku, ka kërkuar ndërhyrjen e institucioneve përkatëse për mbrojtjen e konsumatorëve dhe për të parandaluar siç thotë ai mashtrimin e tregtarëve.
Ai ka komentuar gjithashtu ofertat me zbritje, duke i cilësuar ato si “joreale, mashtruese dhe indinjuese”.
Njëherësh, eksperti i ekonomisë, Besnik Avdija, ka bërë apel për qytetarët, duke thënë se, të shikohen këto “zbritje”, pasi po manipulohet me konsumatorët./Klankosova.tv.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
