Një përleshje e dhunshme është regjistruar në fshatin Vragoli të Fushë Kosovës, ku tre persona janë përfshirë në një rrahje që ka eskaluar me përdorim të mjeteve të rrezikshme.
Ngjarja ka ndodhur në rrugën “Kumanovka”, ndërsa rreth orës 17:00 policia ka pranuar informatën për një rrahje në progres.
Siç mëson Sinjali, në vendin e ngjarjes janë sekuestruar dy thika dhe tre shkopinj druri, të cilat dyshohet se janë përdorur gjatë përleshjes.
Në këtë incident janë përfshirë Bekim Sllamniku (51-vjeçar), Valdet Sllamniku (30-vjeçar) dhe Selim Sllamniku (59-vjeçar), ku dy të parët dyshohet se janë përleshur me të tretin.
Të gjithë të përfshirët kanë pësuar lëndime të lehta trupore dhe kanë marrë trajtim mjekësor.
Pas ndërhyrjes së policisë dhe konsultimit me prokurorin kujdestar, rasti është iniciuar si “Sulm” dhe “Lëndim i lehtë trupor”.
Me vendim të prokurorit, të tre të dyshuarit janë ndaluar për 48 orë.
Rasti është në procedurë.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Sinjali – aty ku e vërteta flet para lajmit!
