Një rast i dhunës në familje që përfshin veprat penale “Sulm” dhe “Kanosje” është zbardhur në Kaçanik, ku dy persona nga e njëjta familje janë përfshirë në incident.
Ngjarja ka ndodhur më 30 mars 2026 në fshatin Kaçanik i Vjetër, ku viktimë ka mbetur Ermond Bajselmani.
Sipas të dhënave nga hetimet, për veprën penale “Sulm” dyshohet Edison Bajselmani, ndërsa për veprën penale “Kanosje” i dyshuari është Hisen Bajselmani.
Gjatë intervistimit më 31 mars 2026, i dyshuari Edison Bajselmani ka deklaruar se posedon armë me leje, çka ka bërë që, me urdhër të prokurorit kujdestar, njësitet policore të kryejnë konfiskimin e tyre.
Policia ka sekuestruar një pushkë gjuetie të llojit “Stranger” dhe një pistoletë të tipit “BRG9 Elite Gen2”, si dhe një sasi municioni prej 45 fishekësh të kalibrit 9×19 dhe 6 fishekësh gjuetie të kalibrit 12GA.
Pas intervistimit, me vendim të prokurorit, Edison Bajselmani është liruar në procedurë të rregullt.
Ndërkohë, i dyshuari tjetër, Hisen Bajselmani, i cili dyshohet për veprën penale “Kanosje”, ndodhet jashtë vendit dhe është shpallur në kërkim policor.
Rasti mbetet nën hetime.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Sinjali – aty ku e vërteta flet para lajmit!
