Një person që kishte arritur të arratisej nga Stacioni Policor “Jugu” në Prishtinë është kapur dhe arrestuar nga policia.
Ngjarja lidhet me incidentin e ndodhur më 13 prill, ku i dyshuari kishte ikur nga ambientet e stacionit policor, duke u shpallur në kërkim.
Siç mëson Sinjali, bëhet fjalë për Fuat Islamin rreth 55 vjeç, i cili dyshohet edhe për disa vepra penale, përfshirë:
• arratisje nga person i privuar nga liria
• dëmtim të pasurisë së huaj
• sulm ndaj personit zyrtar
I njëjti është kapur më 15 prill rreth orës 23:30 dhe është shoqëruar në Stacionin Policor “Jugu”.
Me vendim të prokurorit, ai është dërguar në mbajtje.
Rasti mbetet në procedurë.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Sinjali – aty ku e vërteta flet para lajmit!
