Eduard Kuçi raportohet se është vendosur në kërkim policor dhe po hetohet për moskallëzim krimi, pas një konflikti me këngëtarin Jozefin Marku.
Sipas dëshmisë së tij në polici, të publikuar nga Top Channel, Kuçi e ka përshkruar ngjarjen si një konflikt të çastit, i cili dyshohet se nisi pas një përplasjeje mes palëve për bllokimin e rrugës me automjet.
Burimet e Top Channel bëjnë të ditur se, pavarësisht pretendimit se ka pasur një sulm ndaj tij, Kuçi nuk e ka denoncuar rastin në polici.
Pikërisht për këtë arsye, ndaj tij ka nisur procedimi për moskallëzim krimi, ndërsa autoritetet e kanë vendosur në kërkim policor.
Kuçi, ndërkohë, ka këmbëngulur në versionin e tij se bëhej fjalë për një përplasje të momentit dhe jo për një incident të planifikuar.
Rasti mbetet nën hetim, ndërsa autoritetet po punojnë për të sqaruar dinamikën e plotë të konfliktit dhe për të përcaktuar përgjegjësitë e personave të përfshirë.
Sinjali – aty ku e vërteta flet para lajmit!
