Komuna e Rahovecit ka marrë vendim për ndalimin e përdorimit të mjeteve piroteknike në prag të festave të fundvitit.
Kjo u bë e ditur përmes një njoftimi në Facebook ku kjo komunë thotë se përdorimi i fishekzjarrëve do të ndalohet në vendet e hapura publike, përkatësisht në tregje, rrugë e sheshe.
Ndalimi vlen për periudhën 20 dhjetor 2024 deri më 10 janar 2025, përjashtim bën data 31 dhjetor 2024, prej orës 23:30 deri në orën 00:30 e datës 1 janar 2025.
Personat të cilët veprojnë në kundërshtim me këtë urdhëresë do të gjobiten në shumë prej 100 euro.
Kujtojmë se dje edhe Komuna e Gjilanit mori vendim për ndalim të fishekzjarrëve në hapësira publike./Klankosova.tv.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
