Komisioni Qendror i Zgjedhjeve (KQZ) ka rikujtuar se kanë mbetur edhe katër ditë deri në përfundimin e afatit për dorëzimin e listave të kandidatëve për deputetë për zgjedhjet e parakohshme parlamentare të 7 qershorit 2026.
Sipas njoftimit të KQZ-së, të gjitha subjektet politike – partitë, koalicionet, nismat qytetare dhe kandidatët e pavarur – duhet t’i dorëzojnë online listat e kandidatëve deri më 12 maj 2026.
Procesi po zhvillohet në mënyrë elektronike përmes platformës së KQZ-së dhe Zyrës për Regjistrim, Certifikim dhe Kontrollin Financiar të Subjekteve Politike.
KQZ ka sqaruar se partitë politike të regjistruara konsiderohen automatikisht të certifikuara, ndërsa subjektet e reja politike kanë afat për aplikim për certifikim deri më 10 maj.
Dorëzimi i listave të kandidatëve konsiderohet një nga fazat kryesore të procesit zgjedhor dhe kusht i domosdoshëm për pjesëmarrje në zgjedhje.
Sinjali – aty ku e vërteta flet para lajmit!
