Kosova do të përfshihet nga mot i ndryshueshëm gjatë kësaj të diele, me vranësira të herëpashershme dhe intervale me diell.
Sipas parashikimit të Institutit Hidrometeorologjik të Kosovës, në disa zona të vendit vranësirat mund të shoqërohen me riga lokale shiu, kryesisht gjatë orëve të ditës.
Temperaturat minimale do të sillen nga 10 deri në 13 gradë Celsius, ndërsa ato maksimale pritet të arrijnë ndërmjet 24 dhe 27 gradë Celsius.
Ndërkaq, era do të fryjë nga verilindja me shpejtësi prej 1 deri në 6 metra në sekondë.
Meteorologët bëjnë të ditur se kushtet e motit do të mbeten të favorshme për aktivitetet në natyrë, pavarësisht mundësisë për reshje të izoluara në disa rajone.
Sinjali – aty ku e vërteta flet para lajmit!
