Dy persona janë goditur nga një veturë sot në rrugën “Luan Haradinaj” në Deçan.
Lajmin për Klankosova.tv e ka konfirmuar zëdhënësi i policisë për rajonin e Pejës Fadil Gashi.
“Janë jashtë rrezikut për jetën. Kanë marrë tretman mjekësor në emergjencen e spitalit rajonal, nuk kanë lëndime serioze. Pas marrjes së trajtimit janë liruar në shtëpi”, deklaroi Gashi.
“Rasti po hetohet. Shikimi i vendit të ngjarjes është bërë nga hetuesit rajonalë të aksidenteve”, shtoi ai.
Klankosova.tv merr vesh se të lënduarit janë babë e bijë.
