Driton Selmanaj ka bërë të ditur se nuk do të jetë pjesë e listës së kandidatëve për deputetë të Lidhjes Demokratike të Kosovës në këto zgjedhje, pavarësisht kërkesave nga anëtarësia dhe strukturat e partisë.
Në një njoftim publik drejtuar anëtarëve, aktivistëve dhe mbështetësve të LDK-së, Selmanaj ka theksuar angazhimin e tij të vazhdueshëm politik në kuadër të partisë dhe procesit zgjedhor në Prizren, ku mban postin e Kryetarit të Degës dhe Shefit të Shtabit Zgjedhor.
Ai ka thënë se LDK-ja për të përfaqëson një ideal dhe mision shtetformues, duke e konsideruar atë si një identitet politik dhe moral të rëndësishëm për Kosovën.
Selmanaj ka theksuar se, pavarësisht vendimit për të mos qenë në listën e kandidatëve, ai do të vazhdojë angazhimin e tij në LDK dhe në mbështetje të qytetarëve.
Postimi:
Sinjali – aty ku e vërteta flet para lajmit!
