Ballkani e ka shpërdoruar një mundësi të mirë, për t’u afruar në tetë pikë ndaj Dritës, pak ditë para përballjes direkte.
“Xhebrailat” avancuan në minutën e 81-të ndaj Prishtinës në Suharekë, me anë të sulmuesit, Sunday Adetunji.
Por nuk zgjati shumë dhe planet e suharekasëve i prishën mysafirët.
Prishtina e ngriu buzëqeshjen te skuadra vendase, duke ia barazuar rezultatin në minutën e 92-të, raporton Klankosova.tv
Ishte Axel Gnapi ai që i dha vulën përfundimtare këtij takimi që përfundoi 1-1.
Barazimi i Ballkanit ia lehtësoi Dritës “dhimbjen” e humbjes në Podujevë, pasi mbetet lidere me plot dhjetë pikë më shumë.
Llapit fitoren ndaj gjilanasëve ua siguroi goli i Ardit Tahirit, në minutën e 16-të të ndeshjes.
Skuadra e drejtuar nga Tahir Batatina, me 26 pikë të grumbulluara, për momentin ka ikur nga zona e rrezikut për rënie nga elita futbollistike.
The post Drita humb në Podujevë, Ballkani barazon me Prishtinën (VIDEO) appeared first on Klan Kosova.
