Lamine Yamal ka treguar edhe një herë vetëbesimin e tij të madh, duke dërguar një mesazh të drejtpërdrejtë për bashkëlojtarin e tij te Spanja, Marc Cucurella.
Sulmuesi 18-vjeçar i Barcelonës, në një intervistë për Cope më 1 korrik 2026, u pyet për transferimin e Cucurellas te Real Madridi, i cili e kthen miqësinë e tyre në kombëtare në një rivalitet të ri në “El Clasico”.
“Do ta ha të gjallë”, deklaroi Yamal pa hezitim, duke lënë të kuptohet se mezi pret përballjen me mbrojtësin spanjoll.
Deklarata e tij mori edhe më shumë vëmendje pasi Cucurella sapo kishte kompletuar kalimin te Real Madridi, duke shtuar pritshmëritë për duelet mes dy futbollistëve në ndeshjet e ardhshme mes gjigantëve spanjollë.
Dy lojtarët janë përballur më parë në një ndeshje të Ligës së Kampionëve në nëntor të vitit 2025, ku sipas raportimeve, Cucurella arriti ta kufizonte ndikimin e Yamalit në lojë.
Megjithatë, talenti i Barcelonës ende nuk e ka zhvilluar “El Clasicon” e tij të parë kundër mbrojtësit spanjoll dhe duket i vendosur që, kur të vijë ai moment, të tregojë epërsinë e tij në fushë.
Sinjali – aty ku e vërteta flet para lajmit!
