Një person është arrestuar në Shtime, pasi dyshohet për përfshirje në një rast të dhunës në familje, sulmit fizik dhe kanosjes.
Sipas informacioneve nga Policia, rasti është raportuar më 7 maj 2026, rreth orës 13:20, në stacionin policor në Shtime, ku një grua ka deklaruar se ishte viktimë e dhunës fizike dhe kërcënimeve nga djali i saj.
Viktima ka pranuar trajtim mjekësor në Qendrën Kryesore të Mjekësisë Familjare, ndërsa i dyshuari, mashkull 24-vjeçar, është shoqëruar në stacionin policor dhe është intervistuar nga hetuesit e Njësisë së Dhunës në Familje.
Lidhur me rastin është njoftuar prokurori i shtetit, i cili ka urdhëruar ndalimin e të dyshuarit për 48 orë, derisa të vazhdojnë procedurat e mëtejshme hetimore.
