Deputetja e LDK-së, Hykmete Bajrami, ka deklaruar se kryeministri Albin Kurti po e çon sërish vendin në zgjedhje, duke shtuar se sipas saj ai “nuk i rrihet pa kriza”.
Në një postim në Facebook, Bajrami ka folur për, siç i ka quajtur ajo, pasojat që mund t’i ketë vendi nga jostabiliteti politik.
Bajrami ka shtuar se Kurti, sipas saj, ka qeveri dhe buxhet në dispozicion, por që nuk po i mjaftojnë.
Postimi i plotë:
Në vitin 2025 janë mbajtë rreth 60 seanca për ta bërë Albulenën kryetare të Kuvendit dhe asnjë seancë për të bërë ndonjë zgjidhje për qytetarët e vendit.
Kur ata nuk arritën ta bëjnë kryetaren e Kuvendit, e çuan vendin në zgjedhje.
Sot, thonë: “kryetarin e Kuvendit e japim” por presidentin e dojmë me çdo kusht.
Dhe për këtë, Kurti prapë po e çon vendin në zgjedhje, madje po paralajmëron edhe zgjedhje të tjera pas atyre që do të mbahën në qershor.
Në ndërkohë:
Çmimet rriten çdo ditë.
Rinia po ikë.
Albini i ka 51%.
Me minoritetet – 66 deputetë.
E ka qeverinë krejt vetë, me 19 ministri e
4 miliardë euro buxhet në dispozicion.
Por të gjitha këto nuk po i mjaftojnë.
Kërkon pushtet më shumë se përgjegjësi. Ai po kërkon me sundu jo me qeverisë. Dhe meqë është derivat i krizave nuk i rrihet pa krizë, por ta dini se kostot e sjelljeve të tij janë dëme të pariparushme jo vetëm për qytetarët, por edhe për shtetin e Kosovës.
Kosova e ka armikun e jashtëm, e dimë të gjithë cili është, por jostabiliteti politik është armiku më i madh brenda vendit.
Sinjali – aty ku e vërteta flet para lajmit!
