Është arrestuar në Korçë Kristjan Sterjo, i dyshuar për vrasjen e 20-vjeçarit Joan Zhuko, i cili u qëllua me armë zjarri pas një konflikti.
Sipas informacioneve paraprake, Sterjo u kap nga forcat e Policisë pranë banesës së tij, pas disa orësh kërkimesh në qytet dhe zonat përreth. Në operacion u angazhuan edhe forcat speciale të RENEA-s.
Mësohet se RENEA kishte marrë informacion se i dyshuari do të rikthehej në banesën e tij për t’u furnizuar me para, çka çoi në lokalizimin dhe arrestimin e tij, shkruan Euronews.al, përcjell Sinjali.
Ndërkohë, Policia ka gjetur edhe armën e dyshuar të krimit. Sipas informacioneve, ka qenë vetë Sterjo që u ka treguar efektivëve vendin ku e kishte hedhur armën.
Arma është gjetur në zonën e njohur si “Fusha e Drurëve”, ku dyshohet se i riu ishte fshehur gjatë orëve pas ngjarjes.
Kristjan Sterjo, sipas të dhënave paraprake, është i dyshuari kryesor për vrasjen e 20-vjeçarit Joan Zhuko, i cili u qëllua me armë zjarri pas një konflikti.
Sinjali – aty ku e vërteta flet para lajmit!
