Departamenti amerikan i Mbrojtjes u ka kërkuar kompanive të industrisë së mbrojtjes që të përshpejtojnë prodhimin e armëve, në një kohë kur po rriten shqetësimet se rezervat amerikane po pakësohen ndërsa lufta në Iran vazhdon.
Në një memorandum të hartuar nga zëvendëssekretari i Mbrojtjes, Steve Feinberg, kompanive iu është dhënë një afat prej 21 ditësh për të paraqitur plane konkrete për rritjen e prodhimit dhe përshpejtimin e dorëzimit të pajisjeve dhe armëve kritike.
Memorandumi synon që kompanitë të propozojnë afate dukshëm më të shpejta të furnizimit dhe rritje të kapaciteteve prodhuese.
Zëdhënësi i Pentagonit, Sean Parnell, konfirmoi se memorandumi është i vërtetë dhe tha se ai do të merret në konsideratë në përgatitjen e buxhetit të vitit fiskal 2028, ndërsa buxheti për vitin 2027, i cili aktualisht po shqyrtohet nga Kongresi, mund ta përshpejtojë këtë proces.
Parnell e mbrojti nismën, duke thënë se komunikimi i drejtpërdrejtë me drejtuesit e industrisë së mbrojtjes nuk është diçka e re për Pentagonin, raporton CNN, transmeton Sinjali.
Sipas tij, Feinberg po udhëheq përpjekjet për reformimin e sistemit amerikan të prokurimit të mbrojtjes dhe për rritjen e kapacitetit të prodhimit të armëve në përputhje me nevojat dhe kërcënimet aktuale.
Sinjali – aty ku e vërteta flet para lajmit!
