Ambasadori i Shteteve të Bashkuara në NATO, Matthew Whitaker, ka deklaruar se vendet e Aleancës nuk duhet t’i tolerojnë veprimet e qëllimshme të luftës hibride.
Duke folur të shtunën në një konferencë biznesi në Itali, Whitaker tha se SHBA-ja do të qëndrojë pranë aleatëve që përballen me incidente të tilla.
Ai veçoi tentativën e sulmit me dron në aeroportin Leipzig/Halle të Gjermanisë, për të cilën Berlini e ka fajësuar Rusinë.
Sipas Whitakerit, ky rast ishte më shqetësues se incidentet e tjera të fundit, kur dronët rusë që synonin objektiva në Ukrainë kishin devijuar nga kursi dhe kishin hyrë në territorin e vendeve të NATO-s.
Ambasadori amerikan theksoi se identifikimi i përgjegjësve u mundëson vendeve anëtare të dërgojnë mesazhin e qartë se veprime të tilla nuk do të pranohen.
Ai paralajmëroi se infrastruktura kritike, përfshirë objektet energjetike, mund të shndërrohet në objektiv të sulmeve hibride, duke kërkuar vigjilencë dhe gatishmëri më të madhe nga aleatët.
Sinjali – aty ku e vërteta flet para lajmit!
