Trajneri i Atlético Madridit, Diego Simeone, ka konfirmuar se Julián Alvarez do të rikthehet në skuadër pas dështimit të largimit të tij gjatë afatit kalimtar veror.
Sulmuesi argjentinas kërkoi të largohej nga klubi dhe u lidh me një transferim te Barcelona, Arsenali dhe Real Madridi. Barcelona raportohet se insistoi më së shumti për shërbimet e tij, por marrëveshja nuk u realizua.
Alvarez u vërshëllye nga tifozët e Atléticos në paraqitjen e parë të sezonit, ndërsa javën e kaluar mungoi për katër ditë në stërvitje. Megjithatë, ai tashmë është rikthyer dhe do të udhëtojë me skuadrën për ndeshjen kundër Athletic Clubit.
“Po stërvitet shumë mirë. Do të jetë pjesë e grupit që do të udhëtojë në Bilbao dhe presim më të mirën prej tij”, deklaroi Simeone.
Trajneri argjentinas mbajti një qëndrim pajtues ndaj sulmuesit, duke thënë se situata e krijuar mund të shërbejë si mundësi për të mësuar dhe për t’u përmirësuar.
Atlético ka grumbulluar shtatë pikë në tri ndeshjet e para të La Ligës. Pas përballjes me Athletic Clubin, skuadra madrilene do ta nisë aventurën në Ligën e Kampionëve kundër Liverpoolit.
Sinjali – aty ku e vërteta flet para lajmit!
