Një aksident trafiku ka ndodhur në Pejë, ku një motoçikletë është përplasur me një veturë, duke lënë të lënduar një person.
Rasti është konfirmuar për Sinjalin nga Policia e Kosovës në Rajonin e Pejës, e cila ka bërë të ditur se aksidenti ka ndodhur rreth orës 12:10.
Si pasojë e përplasjes, një person ka pësuar lëndime dhe është dërguar menjëherë në Emergjencën e Spitalit Rajonal në Pejë për trajtim mjekësor. Deri më tani nuk dihet gjendja e tij shëndetësore.
Në vendin e ngjarjes kanë dalë njësitë policore, të cilat po hetojnë shkaqet e aksidentit.
Sinjali – aty ku e vërteta flet para lajmit!
