Presidenti ukrainas, Volodymyr Zelensky publikoi një video që tregon pasojat e një sulmi rus ndaj një treni pasagjerësh.
Rusët me dronë sulmuan stacionin hekurudhor në Shostka, rajoni i Sumyt.
Në momentin e sulmit, në stacion ndodheshin punonjës të Ukrzaliznytsia-s.
Sipas autoriteteve ukrainase, sulmi ndodhi në një kohë kur kishte prani të konsiderueshme civilësh në zonë, çka e bën edhe më të rëndë këtë akt.
Pamjet e publikuara tregojnë dëme të mëdha materiale dhe skena kaotike pas shpërthimeve.
“Rusët nuk mund të mos e dinin se po shënjestronin civilë. Ky është terror që bota nuk ka të drejtë ta injorojë”, tha lideri ukrainas.
Të paktën 30 persona janë plagosur, ndërsa ekipet e emergjencës vijojnë operacionet e shpëtimit dhe ndihmës në vendngjarje. /Telegrafi/
