Presidenti i Ukrainës, Volodymyr Zelensky, ka shprehur pritshmëri që përfaqësuesit amerikanë Steve Witkoff dhe Jared Kushner të vizitojnë Kievin brenda dy javësh, në kuadër të përpjekjeve për diskutime mbi mundësitë e paqes.
Zelensky tha se deri më tani ata nuk kanë qenë asnjëherë në Ukrainë, duke theksuar se një vizitë e tillë do të ishte e rëndësishme për të kuptuar më mirë situatën në terren.
Sipas tij, ekipi negociator amerikan duhet të shohë nga afër jetën e qytetarëve ukrainas dhe pasojat e luftës, në mënyrë që të ketë një pasqyrë më të qartë për realitetin e konfliktit.
Presidenti ukrainas shtoi se kontaktet mes palëve vazhdojnë dhe se ekziston gatishmëri për dialog, ndërsa nënvizoi se çdo përpjekje për paqe duhet të bazohet në kuptimin e situatës në terren.
Zelensky theksoi gjithashtu rëndësinë e vizitës në Kiev si hap i domosdoshëm para çdo angazhimi tjetër diplomatik në rajon.
Sinjali – aty ku e vërteta flet para lajmit!
