Xhiro e 33-të në Superligën e Kosovës do të zhvillohet sot me pesë ndeshje në program.
Drita si kampione e re e Kosovës do të udhëtojë drejt Klinës për t’u përballur me Dukagjinin, që po kërkon pikët e mbijetesës.
Një tjetër sfidë tejet interesante do të zhvillohet në Gjilan, ku Gjilani që ende nuk është i qetë do të përballet me Llapin.
Prishtina, para adhuruesve të vet, takohet me Ferizajn, ku vendasit synojnë rikthimin te fitorja, ndërsa mysafirëve nuk iu lejohet asnjë gabim, përndryshe mund të përshëndeten nga elita.
Ballkani do të ketë punë në shtëpi me Prishtinën e Re, skuadër e cila tanimë është e rënë nga Superliga.
Një tjetër përballje interesante është edhe ajo mes Malishevës që po kërkon daljen në Evropë dhe Drenicës që synon të marrë pikët e mbijetesës.
Të gjitha duelet e ditës së sotme në Superligë zhvillohen me fillim nga ora 16:00.
Sinjali – aty ku e vërteta flet para lajmit!
