Një valë e fortë të nxehti që ka përfshirë Holandën ka sjellë një rritje të ndjeshme të numrit të vdekjeve gjatë javës së kaluar, sipas një vlerësimi paraprak nga Instituti Kombëtar për Shëndetin Publik dhe Mjedisin.
Autoritetet shëndetësore raportojnë rreth 480 vdekje më shumë se sa pritej, ku shumica e viktimave janë persona mbi 80 vjeç.
Sipas të dhënave, numri total i vdekjeve gjatë kësaj periudhe ka arritur në rreth 3,530, krahasuar me rreth 3,050 që pritej normalisht në bazë të statistikave.
Instituti ka bërë të ditur se rajonet lindore dhe jugore të vendit janë prekur më shumë, për shkak të temperaturave më të larta të regjistruara në ato zona.
Ekspertët theksojnë se të moshuarit dhe personat me sëmundje kronike mbeten më të rrezikuarit gjatë periudhave të nxehtësisë ekstreme, duke bërë thirrje për kujdes të shtuar dhe mbrojtje gjatë valëve të të nxehtit.
Sinjali – aty ku e vërteta flet para lajmit!
