Ushtarët italianë dhe bullgarë të angazhuar në Komandën Rajonale Perëndim, pjesë e misionit të NATO-s të udhëhequr nga KFOR, kanë zhvilluar një ushtrim me zjarr të vërtetë në poligonin Voloire, pranë Kampit “Villaggio Italia” në Pejë.
Sipas njoftimit të KFOR-it, ushtrimi ka mbledhur pjesëtarë të kontingjenteve të ndryshme ndërkombëtare dhe ka pasur për qëllim shkëmbimin e përvojave, praktikave më të mira dhe rritjen e ndërveprueshmërisë mes njësive pjesëmarrëse.
KFOR thekson se përmes aktiviteteve të tilla, personeli i misionit ruan nivel të lartë të gatishmërisë operacionale dhe vetëdijes situacionale, duke dëshmuar përkushtimin e vazhdueshëm për të garantuar një mjedis të sigurt dhe të qëndrueshëm për të gjithë qytetarët në Kosovë.
Sinjali – aty ku e vërteta flet para lajmit!
