Trafiku Urban Prishtinë ka njoftuar qytetarët se gjatë mbrëmjes së sotme pritet të ketë vonesa dhe devijime të përkohshme në qarkullimin e linjave të autobusëve.
Sipas njoftimit, këto ndryshime vijnë si pasojë e bllokimit të disa rrugëve dhe do të zbatohen në përputhje me rregullimin e trafikut nga organet e rendit.
Nga Trafiku Urban kërkohet mirëkuptim nga qytetarët për këto masa të përkohshme, ndërsa njëkohësisht i urohen suksese Kombëtares në ndeshjen e sontme kualifikuese.
“Njoftojmë qytetarët se, për shkak të bllokimit të disa rrugëve, gjatë mbrëmjes së sotme mund të ketë vonesa dhe devijime të përkohshme në qarkullimin e linjave të autobusëve, në përputhje me rregullimin e trafikut nga organet e rendit. Ju falënderojmë për mirëkuptimin dhe i urojmë Kombëtares sonë suksese në ndeshjen e sontme kualifikuese!”, thuhet në njoftim.
Sinjali – aty ku e vërteta flet para lajmit!
