Policia Rajonale e Ferizajt ka ndaluar një shofer pasi u kap duke tejkaluar dukshëm shpejtësinë e lejuar në rrugën magjistrale në fshatin Prelez i Muhaxherëve.
Sipas njoftimit zyrtar, rreth orës 05:00 të mëngjesit, një veturë BMW 318 me targa të huaja është ndaluar pasi radarët kanë regjistruar shpejtësi prej 111 km/h në zonën ku kufizimi i lejuar është 50 km/h.
Shoferi H.S., 37 vjeç, është ndëshkuar menjëherë nga autoritetet policore. Matja e shpejtësisë është bërë me radar laserik, ka bërë të ditur Policia e Kosovës.
Për kundërvajtjen e kryer, ndaj tij janë shqiptuar masa ndëshkuese, përfshirë gjobë prej 300 euro, 3 pikë negative dhe masë mbrojtëse ndalimi i drejtimit të automjetit për 3 muaj.
Policia Rajonale e Ferizajt ka theksuar se kontrollet në trafik do të vazhdojnë me intensitet të shtuar, me qëllim të rritjes së sigurisë rrugore dhe respektimit të rregullave të komunikacionit.
Sinjali – aty ku e vërteta flet para lajmit!
