Sulmi me armë gjatë Darkës së Korrespondentëve të Shtëpisë së Bardhë ka ndodhur në hotelin Washington Hilton, i njëjti vend ku në vitin 1981 ishte plagosur ish-presidenti amerikan Ronald Reagan.
Atentati ndaj Reagan kishte ndodhur më 30 mars 1981, kur ai u qëllua nga John Hinckley Jr. teksa po largohej nga hoteli pas një fjalimi.
Ai mbijetoi pas plagëve të rënda, ndërsa në të njëjtin incident u plagosën edhe zëdhënësi i Shtëpisë së Bardhë James Brady, një agjent i Shërbimit Sekret dhe një oficer policie.
Brady pësoi dëmtime të rënda në tru dhe më vonë ndërroi jetë në vitin 2014 si pasojë e komplikimeve nga plagët.
Hinckley u shpall i pafajshëm për shkak të gjendjes mendore dhe më vonë u lirua në vitin 2016 pas qëndrimit për dekada në institucione të sigurisë së lartë.
Edhe në ngjarjen e fundit, sulmi ka rikthyer vëmendjen tek historia e këtij hoteli, ku një pllakë përkujtimore ende shënon vendin e atentatit ndaj Reagan.
Sinjali – aty ku e vërteta flet para lajmit!
