Kryeministri i Mbretërisë së Bashkuar, Keir Starmer, dhe presidenti i SHBA-së, Donald Trump, kanë deklaruar se janë në “fazën e radhës për gjetjen e një zgjidhjeje” për hapjen e Ngushticës së Hormuzit, ka bërë të ditur Downing Street.
Starmer sapo ka mbërritur në Katar, nga ku ka zhvilluar një telefonatë me presidentin amerikan.
Një deklaratë nga zyra e kryeministrit britanik (No 10) thotë se Starmer ka paraqitur “përpjekjet e Mbretërisë së Bashkuar për të mbledhur partnerë për të rënë dakord mbi një plan të zbatueshëm për hapjen e rrugës detare”.
“Ata ranë dakord se tani që ka një armëpushim dhe një marrëveshje për hapjen e Ngushticës, jemi në fazën e radhës për gjetjen e një zgjidhjeje”, thuhet në deklaratë.
Gjithashtu shtohet se Starmer dhe Trump “diskutuan nevojën për një plan praktik për të rikthyer sa më shpejt lëvizjen e anijeve”.
Sinjali – aty ku e vërteta flet para lajmit!
