Kryeministri spanjoll, Pedro Sánchez, ka mbrojtur vendimin e Spanjës për të mos marrë pjesë në edicionin e këtij viti, duke thënë se vendi i tij nuk mund të heshtë ndaj veprimeve të Izraelit në Gaza dhe Liban.
Pedro Sánchez, në një videomesazh të ndarë në platformën amerikane të mediave sociale “X”, tha se mungesa e Spanjës në garë pasqyron angazhimin e saj ndaj të drejtave të njeriut dhe ligjit ndërkombëtar.
“Ky vit do të jetë ndryshe”, tha Sánchez, duke kujtuar vendimin e transmetuesit publik spanjoll RTVE për të mos marrë pjesë, të cilin e përshkroi si “të qëndrueshëm dhe të domosdoshëm: për t’u ngritur kundër padrejtësisë”.
“Kjo është arsyeja pse Spanja nuk po merr pjesë në Festivalin e Këngës në Eurovision, sepse angazhimi ynë ndaj të drejtave të njeriut dhe ligjit ndërkombëtar shprehet edhe përmes kulturës”, tha ai.
Kryeministri e krahasoi këtë veprim me përjashtimin e Rusisë nga gara pas luftës së saj në Ukrainë.
“Kur Rusia pushtoi Ukrainën, asaj iu ndalua pjesëmarrja në garë dhe Spanja e mbështeti atë vendim. Këto parime duhet të zbatohen edhe kur flasim për Izraelin”, tha ai. “Nuk mund të ketë standarde të dyfishta.”
Sinjali – aty ku e vërteta flet para lajmit!
