Sot shënohet trevjetori i rënies në krye të detyrës së Heroit të Kosovës, Afrim Bunjaku, ndërsa Ministria e Punëve të Brendshme ka organizuar një sërë aktivitetesh përkujtimore në nderim të tij.
Aktivitetet do të nisin në orën 10:00, me vizitë te familja e Afrim Bunjakut në fshatin Samadrexhë të Vushtrrisë.
Në orën 10:40 do të mbahen homazhe te varri i tij, po në Samadrexhë.
Më pas, në orën 12:00, aktivitetet do të zhvendosen në fshatin Banjskë të Zveçanit, ku do të vendoset gurthemeli i obeliskut kushtuar Heroit të Kosovës, Afrim Bunjaku.
Programi përkujtimor do të përmbyllet në mbrëmje me Akademinë Përkujtimore, e cila do të mbahet nga ora 20:00 në Sallën e Kuqe të Pallatit të Rinisë në Prishtinë.
Sinjali – aty ku e vërteta flet para lajmit!
