Një shëtitje e shkurtër në park ose një pushim mes gjelbërimit mund të ketë efekte të matshme në trup dhe mendje. Studimet e fundit tregojnë se kalimi i vetëm 20 minutave në natyrë ul hormonet e stresit, normalizon presionin e gjakut dhe përmirëson shëndetin e zorrëve.
Ekspertët shpjegojnë se pamjet e gjelbërta, tingujt e zogjve dhe aromat e pyllit aktivizojnë sistemin nervor autonom, duke sjellë qetësi fiziologjike. Përveç kësaj, natyra ndikon në sistemin hormonal duke ulur nivelin e kortizolit dhe adrenalinës, ndërsa rrit qelizat që luftojnë viruset.
Aromat e pyllit, si ajo e pishës, kanë efekt të menjëhershëm: brenda 90 sekondave sjellin qetësi që zgjat deri në 10 minuta. Edhe kontaktet me tokën dhe bimët ndihmojnë mikrobiomën e trupit, duke sjellë baktere të dobishme që forcojnë imunitetin.
Për ata që nuk kanë mundësi të shkojnë shpesh në natyrë, edhe elementët e thjeshtë në shtëpi, si lulet, apo vajra esencialë mund të reduktojnë stresin dhe të sjellin qetësi.
Sinjali – aty ku e vërteta flet para lajmit!
