Freskinë e pasdites deshi ta shfrytëzojë për ta flladitur edhe barin në oborr.
Kur këtë e përfundoi, pajisjes me të cilën e nxori ujin nga bunari, L.B. nga Muzeqina e Shtimes ia pa sherrin.
Teksa po e hiqte atë nga pusi, akshamin e së hënës, 72-vjeçari ra brenda tij.
Për të nxjerrë të moshuarin, fillimisht u mobilizuan të afërmit e më pas u thirrën organet e rendit.
Veç tre zyrtarëve policorë, me ta në rrugën “Veteranët e Lirisë” shkoi edhe shefi i ndërrimit, që ishte jashtë detyrës.
Njëri polic, me ndihmën e shkallëve, hyri brenda në bunar për ta shpëtuar të moshuarin.
Kur jeta iu shpëtua, ky pati nevojë për ndihmë mjekësore.
Trajtim fillestar mori në Shtime e më pas u dërgua në Spitalin e Ferizajt.
Familjarët e tij nuk pranuan të flasin para kamerës, por pohuan se kjo ka ardhur nga marramendja që ka pasur babai i tyre.
Me veprimet e policëve, që sipas komandantit Haxhi Behluli rrezikuan edhe jetën e tyre, ndihen krenarë krejt stacioni ku ata shërbejnë.
Behluli pohoi se me raste të kësaj natyre nuk janë përballur më parë.
Ndiqni kronikën e plotë:
