Punëtorët e ndërmarrjes komunale, “Prishtina Parking”, kanë bojkotuar punën të martën, duke lënë pa pagesë fizike shumicën e parkingjeve në kryeqytet.
Protesta erdhi si shenjë pakënaqësie për mosmarrjen e pagave të muajit të kaluar, raporton Klan Kosova.
Nga ndërmarrja kanë bërë të ditur se vonesat lidhen me vendimin e Gjykatës Supreme për shfuqizimin e pjesshëm të rregullores për organizimin dhe shfrytëzimin e parkingjeve.
Ata kanë premtuar se pagat do të ekzekutohen pjesërisht gjatë ditës së martë, ndërsa pjesa tjetër në ditët në vijim.
Detajet i gjeni në kronikën vijuese:
