Partia Demokratike e Kosovës (PDK) sot ka zhvilluar fushatën në komunën e Gjilanit, duke organizuar tubime me qytetarë e përkrahës të saj.
Nga atje, në lidhje direkte ka raportuar gazetarja e Klan Kosovës, Arbeshë Uka, e cila ka dhënë detajet e fundit nga ky tubim.
“PDK përfundoi tubimin të themi në kryeqendrën e Anamoravës, në Gjilan, këtu në parkun ‘Dardani’ të këtij qyteti. Në fakt, ky subjekt politik të gjitha tubimet kryesore i ka zhvilluar në anamorav, paraprakisht në Viti, ndërsa pas Gjilanit kanë vazhduar drejt për në Kamenicë. Njëherësh duke i ditur problematikat dhe premtimet nacionale që i ka pasur në këtë qytet, kandidati për kryeministër nga PDK, Bedri Hamza, premtoi që me të si kryeministër, autostrada jo Prishtinë-Gjilan, por Prishtinë-Dheu i Bardhë do të përfundojë dhe do të bëjë edhe ndërlidhjen e autostradave dhe shumë projekteve të tjera që do të realizohen në Gjilan, që sipas tyre, kanë mbetur në gjysmë dhe të neglizhuara nga qeveria aktuale”, ka thënë Uka.
