Një vajzë 17-vjeçare është ndaluar sot në Ukrainë, nën dyshimin se ka helmuar një ushtarak me urdhër të shërbimeve ruse.
Policia Kombëtare e Ukrainës njoftoi se trupi i pajetë i një ushtaraku 27-vjeçar është gjetur në një apartament me qira në qytetin Zhytomyr, në pjesën qendrore-veriore të vendit.
Sipas hetuesve, në vendngjarje janë gjetur “enë me mbetje të një substance pluhur”, ndërsa hetimet kanë çuar në dyshimin se adoleshentja ishte e përfshirë në krim.
Policia tha gjithashtu se ajo dyshohet se kishte komunikuar me “një përfaqësues të shërbimeve speciale ruse”.
“Me udhëzimin e tij, në fund të majit, vajza mori një pako përmes një kutie postare që përmbante një substancë kristalore, e identifikuar paraprakisht si metadon. Burri i dha asaj detyrën të takohej me një ushtarak, duke i përcaktuar kohën dhe vendin e takimit. Ai pranoi dhe shkoi me të njohurën e re në apartamentin që kishte marrë me qira. Atje, ajo i shtoi alkoolit një substancë narkotike të përgatitur më parë dhe, pasi burri humbi ndjenjat, u largua”, thuhet në njoftimin e Policisë Kombëtare të Ukrainës.
Autoritetet kanë bërë të ditur se ndaj rastit është hapur një hetim paraprak.
Sinjali – aty ku e vërteta flet para lajmit!
