Gjykata Themelore në Mitrovicë ka caktuar nga një muaj paraburgim ndaj tetë personave me inicialet B.H., I.P., O.B., A.S., T.R., A.S., SH.S. dhe N.R.
Në njoftimin e lëshuar nga gjykata thuhet se gjyqtarja e procedurës paraprake vlerësoj se janë përmbushur kushtet ligjore për caktimin e masës së paraburgimit ndaj të pandehurve B.H., I.P., O.B., A.S., T.R., A.B., SH.S., N.R., duke e aprovuar kështu kërkesën e Prokurorisë Themelore në Mitrovicë.
“Të pandehurve B.H., I.P. dhe O.B. iu është caktuar masa e paraburgimit për shkak të dyshimit të bazuar se në bashkëkryerje kanë kryer veprat penale I.“Detyrimi” nga neni 328 par.1 e lidhur me nenin 31 të KPRK-së dhe II.“Importi, eksporti, furnizimi, transportimi, prodhimi ,këmbimi ,ndërmjetësimi ose shitje e paautorizuar e armëve apo material plasëse” nga neni 364 par.1 lidhur neni 31 të KPRK-së, kurse të pandehurve A.S., T.R. për shkak të dyshimit të bazuar se në bashkëkryerje kanë kryer veprën penale penale “Importi, eksporti, furnizimi, transportimi, prodhimi ,këmbimi ,ndërmjetësimi ose shitje e paautorizuar e armëve apo material plasëse” nga neni 364 par.1 lidhur neni 31 të KPRK-së”.
“Të pandehurve A.S., SH.S. dhe N.R. për shkak të dyshimit të bazuar se në bashkëkryerje kanë kryer veprën penale penale “Importi, eksporti, furnizimi, transportimi, prodhimi ,këmbimi ,ndërmjetësimi ose shitje e paautorizuar e armëve apo material plasëse” nga neni 364 par.1 lidhur neni 31 të KPRK-së”, thuhet në njoftim.
Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore në Mitrovicë. /Klankosova.tv
The post Nga një muaj paraburgim ndaj tetë personave për shitje dhe blerje të armëve apo materialeve plasëse appeared first on Klan Kosova.
