Kryeministri izraelit Benjamin Netanyahu ka sulmuar publikisht kryetarin e bashkisë së Nju Jorkut, Zohran Mamdani, duke e akuzuar për antisemitizëm dhe për “shtrembërim të fakteve”.
“Turp të të vijë! Turp të të vijë që shtrembëron faktet”, tha Netanyahu, duke iu drejtuar Mamdanit.
Ai pretendoi se pas zgjedhjes së Mamdanit si kryetar bashkie, shumë hebrenj në Nju Jork nuk ndihen më të sigurt.
Netanyahu mbrojti gjithashtu veprimet e Izraelit gjatë luftës në Gaza, duke mohuar akuzat për gjenocid dhe duke deklaruar se Izraeli “parandaloi gjenocidin”.
Ndërkohë, një hetim i Kombeve të Bashkuara dhe organizata të ndryshme të të drejtave të njeriut e kanë akuzuar Izraelin për gjenocid ndaj palestinezëve gjatë luftës në Gaza.
Përpara udhëtimit në Nju Jork, Netanyahu tha se në Kombet e Bashkuara do të “tregojë të vërtetën” për veprimet e Izraelit.
Mamdani, nga ana tjetër, ka intensifikuar kritikat ndaj Netanyahut, duke e cilësuar atë si kriminel lufte. Ai ka pranuar se nuk ka autoritet për ta arrestuar kryeministrin izraelit gjatë qëndrimit të tij në Nju Jork, pavarësisht premtimit të bërë gjatë fushatës.
Sinjali – aty ku e vërteta flet para lajmit!
