NATO do të bëjë publike kontrata të reja mbrojtëse me vlerë dhjetëra miliarda dollarë gjatë samitit të ardhshëm që do të mbahet në Ankara të Turqisë, në përpjekje për të rritur kapacitetet ushtarake të aleancës.
Lajmin e bëri të ditur Sekretari i Përgjithshëm i NATO-s, Mark Rutte, i cili theksoi se shtetet anëtare duhet të forcojnë industrinë e mbrojtjes dhe të përkthejnë fuqinë e tyre ekonomike në aftësi konkrete ushtarake.
Sipas tij, aleanca po synon të tejkalojë fragmentimin e industrive kombëtare të mbrojtjes dhe të rrisë bashkëpunimin ndërmjet vendeve anëtare, duke ulur burokracinë dhe duke nxitur inovacionin në fushën e sigurisë.
Rutte deklaroi se samiti i NATO-s më 7-8 korrik në Ankara do të shërbejë si platformë për të prezantuar progresin në zgjerimin e prodhimit ushtarak dhe forcimin e bashkëpunimit industrial mes vendeve të aleancës.
Ai shtoi se në kushtet e sfidave globale të sigurisë, rritja e kapaciteteve mbrojtëse është bërë një prioritet kryesor për NATO-n dhe partnerët e saj.
Sinjali – aty ku e vërteta flet para lajmit!
