Dyshime për një mjet të dyshuar shpërthyes janë ngritur në rrugën “Rrustem Hyseni” në Prishtinë.
Në vendin e ngjarjes janë angazhuar njësitet përkatëse të Policisë së Kosovës, ndërsa për arsye sigurie është evakuuar një pjesë e qytetarëve nga perimetri i zonës.
Zëdhënësi i Policisë për Prishtinën, Enis Pllana, tha për Sinjalin se Policia ka ndërmarrë masat e nevojshme të sigurisë pas pranimit të informatës.
“Rreth orës 17:00, kemi pranuar një informatë për një mjet të dyshuar shpërthyes në rrugën ‘Rrustem Hyseni’, në Prishtinë. Menjëherë policia ka ndërmarrë të gjitha masat e sigurisë në atë zonë. Në një perimetër të caktuar ka evakuuar qytetarët, ndërkohë që janë angazhuar njësitet përkatëse për trajtimin e informatës. Për detaje të tjera ju njoftojmë me kohë”, deklaroi Pllana.
Aktualisht, njësitet përkatëse po merren me trajtimin e mjetit të dyshuar, ndërsa pritet konfirmimi zyrtar nëse bëhet fjalë për një mjet shpërthyes.
Sinjali – aty ku e vërteta flet para lajmit!
