Ministri i Jashtëm i Iranit ka deklaruar se Teherani “nuk ka besim” te Shtetet e Bashkuara dhe se është i interesuar për negociata me Uashingtonin vetëm nëse SHBA-ja është serioze për t’i dhënë fund luftës.
Gjatë një vizite në Nju Delhi për takimin e ministrave të Jashtëm të BRICS-it, Abbas Araghchi tha se procesi i ndërmjetësimit nga Pakistani nuk ka dështuar, por ndodhet në “vështirësi”. Më herët u raportua se Araghchi kishte propozuar që Irani ta kontrollojë Ngushticën e Hormuzit së bashku me Omanin.
Në një deklaratë si reagim ndaj komenteve të Donald Trumpit në Kinë mëngjesin e sotëm, ministri tha se dy vendet “po konsultohen për të krijuar një mekanizëm të përshtatshëm për menaxhimin e ardhshëm të Ngushticës së Hormuzit dhe për të garantuar kalimin e sigurt të të gjitha anijeve”.
Sinjali – aty ku e vërteta flet para lajmit!
