Lionel Messi vazhdon të tregojë formë të jashtëzakonshme në MLS, duke qenë protagonisti absolut në fitoren e Inter Miami CF ndaj Toronto FC me rezultat 4-2.
Skuadra nga Miami e mbylli pjesën e parë në avantazh falë golit të Rodrigo De Paul në minutën e 44-të, ndërsa në pjesën e dytë nisi spektakli i yllit argjentinas.
Tetë herë fituesi i “Topit të Artë” asistoi fillimisht për Luis Suárez në minutën e 56-të, duke i dhënë qetësi ekipit të tij.
Pak më vonë, Messi dhuroi një tjetër asistim për Sergio Reguilón në minutën e 73-të, ndërsa vetëm dy minuta më pas vulosi paraqitjen e tij fantastike me një gol të realizuar.
Me këtë performancë, Lionel Messi vazhdon të mbetet figura kryesore e Inter Miami CF dhe një nga lojtarët më dominues të sezonit në MLS.
Sinjali – aty ku e vërteta flet para lajmit!
